Transcription
1
Monsieur, par voz lettres du XIIe du present que jay receu par le sieur de
2
Savines, vous me faictes tant dhonnestes demonstrations que doresnavant
3
je demeure entierement votre pour vous servir fidellement en tout
4
ce quil vous plaira. Jestoys lors sur le point de quicter mon entreprinse
5
touchant la reparation de ce lieu pour la craincte que javoys de vous
6
deplaire, mais, puys que jay eu une telle declaration de votre bonne
7
volunté, je la feray continuer quant la gelée sera cessée ; totteffoys,
8
avant que passer plus oultre, jay avisé vous envoyer ce gentilhomme
9
avec copie du procès verbal que jay dressé sur ladicte reparation
10
pour vous faire eonnoiste de quelle façon je y ay proceddé et
11
entens proceder, affin que vous en soyés instruict amplement
12
et quil vous plaise y reformer et mordonner ce quil vous plaira,
13
vous assurant, monsieur, que je veulx conformer tottes mes actions
14
à votre volunté comme jespère en plus grandes occasions le vous
15
faire parêtre, Dieu aydant, mesmes sil vous plaict de nous donner
16
en ce lieu une compagnie de cavalerie suyvant loffre quil vous
17
plaict men faire, je memploieray en tout ce que je porrey pour le
18
service de sa magesté et le votre. Mays, monsieur, vous connoissez
19
tropt mieulx le pays que moy, qui est mal aysé pour la cavalerie
20
en beacopt de lieulx et porroit advenir quelle viendroient à sengager
21
quelques foys en iceulx si elle nestoit assister de quelque troppe
22
darquebuziers à pied. Monsieur d’Ambrun, à mon arrivée, donnat en ce
23
lieu quinze arquebuziers à prendre le paiement sur des lieulx tenuz
24
par lennemi, quilz nont pas eu grand moien den estre paiez comme
25
il vous aperra assés par la comission ; totteffoys, je les y ay faict
26
entretenir le mieulx que jay peu et le plus souvant du mien. Sil vous
27
plaict augmenter ce nombre jusques à cinquante et en donner la
28
charge au cappitaine La Varenne, present porteur, je massure que avec une
29
compagnie de cavallerie, les ennemys seront batuz en quelque part
30
quilz soient truvés, et je le vous dis, monsieur, parce que je les
31
ay tous veuz icy devant trois ou quatre foys et que si jen
32
eusse eu seullement la moitié, jeuse pancé faire entreprinse sur
33
eulx à laquelle ilz neussent rien gaignié. Jay seu comme messieurs de
34
Gap vous ont faict depeche par laquelle je croy quilz se veulent
35
excuser den recepvoir. Je croy quilz ne savent ce quilz demandent et
36
avec cella, monsieur, je massure que si vous vouliez conformer voz
37
dessaings au gré dung peuple, le service de sa magesté ne seroit
38
faict comme il est de besoing, car je pance que cela tant sen
39
fault quil soit à la folle du pays que ce sera le grand solagement,
40
faisant cesser par ce moien tottes les cottes faictes par les ennemys,
41
et celles qui seront faictes pour cest effaict seront beaucopt
42
moindres et seront esgallées sur tout le general. Jentens pourveu
43
que quelques temps après vous ne retiriés les forces dycy, car
44
cella advenant, les ennemys feroient paier tous les arrerages
45
que seroit une double folle au pays. Ilz ne seront pa si bien
46
[v] traictés comme en la France, si est ce que je croy que il ne
47
leur mancquera ne foin ne avoyne, pain, vin, ne chair de moton, danrées
48
que sont encores icy à honneste pris sellon lannée ; daultres
49
rafrechissemens ilz nen porront quères avoir de leurs personnes ;
50
ilz seront logez serrez et couchez sur des lictz de feulle. Pour
51
leurs chevaulx, il y a bonnes escuries. Je vous supplie croyre,
52
monsieur, que le proffict ne conduict point ce gentilhomme vers
53
vous, mays seullement lenvye quil a de vous faire service,
54
lequel se contentera de ce que vous vouldrés. Je vous
55
respondrey quil aura son nombre complaict et que je luy servirey
56
de commissaire et contrerolleur ; et au surplus quil ne se fera
57
aucun abuz pourveu que les gens que vous envoyerés veulent
58
croire mon conseil et que jespère quil se fera de belles
59
entreprinses. Pour le moins, je vous assure bien que en cent
60
et tant de chevaulx que jay veu de lennemy, il ny en a pas
61
trente de bons et que si les notres veulent aller à la guerre
62
souvant, je vous respondrey que lennemy nosera guères sortir
63
de ses forteresses ; et si parmy le marché, je sens aprocher
64
quelque vent dune bonne intelligence sur lune dicelles, laquelle
65
à tout le moins je vous assurerey bien que nous tiendrons soubz
66
votre entière obéissance despuys St-Bonnet et Veynes en sà,
67
pourveu que aultres forces ne viennent pour eulx au moyen
68
de quoy ilz ne porront tant negocier dentreprinse et
69
dintelligences comme ilz ont voulu faire ces derniers jours
70
tant sur Ambrun que sur Guillestre, et comme ilz font
71
jornellement. Et pour tottes mes recompances, je ne demande
72
que dy despandre le mien, la continuation de voz bonnes graces
73
et votre tesmoniage envers sa magesté lors que j’aurey merité
74
quelque chose. Et sur ce, je vous baise humblement les
75
mains et prie Dieu,
76
monsieur, vous donner en parfaicte santé ce que bien desirés.
77
De la Bastie Neuve, ce XXIIIIe janvier 1574
78
Votre bien humble serviteur
79
Levesque de Gap